«Алау» әскери-патриоттық ойыны өткізілді.

5 мамыр күні «Патриот» айлығы аясында бастауыш сынып оқушылары арасында «Алау» әскери-патриоттық ойыны өткізілді.

Іс-шараның басында командалар өз атаулары мен ұрандарын ойлап тауып, кейін тәлімгерлермен бірге бекеттерге аттанды. Әр бекетте сынып жетекшілері оқушыларға қызықты спорттық тапсырмалар дайындады.

Оқушылар маршруттарды үлкен қызығушылықпен өтіп, ептіліктерін, ұйымшылдықтарын және белсенділіктерін көрсетті. Мәре сызығына жеткенде балалар шаршағанымен, өз нәтижелеріне қуанып, көңілді болды.

Ойынның жеңімпаздары мен жүлдегерлері дипломдармен марапатталды.

Іс-шараның жалғасы ретінде оқушылар арасында асфальтқа сурет салу байқауы ұйымдастырылды. Балалар әскери тақырыпты қызығушылықпен қолдап, әдемі әрі жарқын суреттер салды.

Іс-шара балаларға көтеріңкі көңіл-күй сыйлап, сергектік пен қуанышқа бөледі!